Trátase dunha cita obrigada para o mundo da enerxía que se consolidou xa como unha plataforma única para xerar negocio, intercambiar experiencias e medir os numerosos cambios que está a experimentar o sector. 

Concienciación social e empresarial, aposta decidida desde os entes públicos, solucións tecnolóxicas adecuadas e motivacións económicas aliñáronse para que o ámbito da enerxía estea a experimentar un proceso de transformación radical nos últimos anos, isto tradúcese nun cambio do paradigma enerxético que chegou para quedarse e seguir evolucionando. 

Coa pretensión de seguir sendo un reflexo desta conversión, Enerxétika constituirá un foro inmellorable nunha situación excepcional e determinante para o ámbito enerxético.  E vai camiño de converterse en certame de referencia para o Sur de Europa.