Actividades

AMPLO PROGRAMA DE XORNADAS

O seu extenso e variado programa de conferencias, talleres e seminarios converteuse nun auténtico distintivo desta feira e nunha fantástica ferramenta informativa, formativa e pedagóxica para os miles de visitantes que nos acompañan edición tras edición.

As xornadas técnicas seguirán sendo protagonistas, con temas de máximo interese marcados pola transformación do sector e debullados por recoñecidos expertos.

SIE, Salón da Innovación Enerxétika

Este espazo, posto en marcha na pasada edición con gran éxito, reforzará o atractivo do certame para poñer en valor a aposta de moitas das empresas expositoras pola innovación, a sustentabilidade, o desenvolvemento das enerxías renovables e a eficiencia enerxética. 

Un marco ao dispor de todos os nosos expositor para que mostren dunha forma visual e atractiva os seus proxectos máis relevantes.

VISITAS TÉCNICAS

Os visitantes profesionais terán a oportunidade de coñecer de primeira man proxectos enerxéticos integrais realizados por algunhas das empresas expositoras a través do programa de visitas guiadas.

CIRCUíTO DE PRoBAS

Os máis de 400.000 m2 do recinto feiral permiten dispoñer dun fantástico circuíto de probas, perfecto para que o público visitante poida testar e experimentar a condución de vehículos eléctricos, híbridos ou de combustibles alternativos.

ACTIVIDADES NOS DIFERENTES STANDS

Numerosos expositor aproveitarán o importante impacto mediático da feira para realizar accións promocionais ou actos corporativos. A feira convértese nun fabuloso altofalante para a organización de asembleas e xuntas, entregas de distincións, firmas de convenios, celebración de aniversarios… Trasládanos a túa idea e estaremos encantados de facer que se transforme nunha realidade.

Na nosa canle de Youtube tedes disponibles todas as xornadas técnicas celebradas na pasada edición